Аудандық мәдениет үйінде өзіндік сән-салтанатымен, мерекелік бағдарламасымен көпшілікті тәнті еткен Астана күніне арналған жиында аудан әкімі Нұрлан Рахымжанов өз саласында еңбегімен ерекшеленген:
«КазТрансГазАймақ» мекемесінің қызметкері – Карин Ғабділман Оразұлына;
«Қазсушар» Бөкей ордасы өндірістік учаскесінің электрдәнекерлеушісі – Өтеғалиев Даниял Самиғоллаұлына;
«Қазақтелеком» аудандық сервис желісі пунктінің электрмеханигі – Алмағамбетов Нұрлыбек Қабесұлына;
аудандық электр торабының шұғыл қосу жөніндегі кезекшісі – Дауылбаев Мұрадым Қабдығалиұлына Алғыс хат табыстады.
Сонымен қатар, осы шарада облыстық «Қайран, біздің әжелер, арды ойлаған» конкурсында жүлделі ІІ орыннан көрінген «Нарын» әжелер ансамблінің әр мүшесі (құрамында 13 адам бар) аудан басшысының арнайы сыйлығын иеленсе, жас нұротандықтарға – аудан әкімі аппаратының маманы Нұрфат Бисекеновке, аудандық экономика және қаржы бөлімінің маманы Динара Еділбаева мен білім беру бөлімінің есепшісі Гәкку Қойшекеноваға және аурухана қызметкері Гүлзат Мыңбаеваға партиялық билеттер тапсырылды.
Өз кезегінде Нұрлан Сағынтайұлы билік пен халық арасында алтын көпір болып жүрген баспасөз қызметкерлерін өткен кәсіби мерекелерімен құттықтауды да ұмыт қалдырмады.
Раушан БАҚЫТОВА.