Әрбір отбасын ойсыратып кеткен, ананы баласынан, әйелді қосағынан айырып, мыңдаған боздақтарды жер жастандырған зұлмат соғыстың аяқталғанына биыл – 71 жыл. Соған орай Қарасу ауылдық кітапханасында мектеп ұстаздарының ұйымдастыруымен «Ерлік – елге мұра, ұрпаққа ұран» атты ертеңгілік оздырылды. Ұлы Отан соғысы ардагерлерінің қайсарлығын насихаттау, олардың ерліктеріне тағзым етуді мақсат тұтқан бұл шарада 4-сынып оқушылары «Ұранды елдің – ұрпағы қайсар» атты өздерінің шағын әңгімелерін оқып, «Совет жауынгерлерінің» бейнесін де сомдады.
Шара соңында «Ерліктерін ұрпағы ұмытпайды» тақырыбындағы кітап көрмесіне шолу жасалды.
Гүлден ТҮМЕНОВА,
кітапханашы.
Орда ауылдық округі.
